“Cu hopi entusiasmo mi a postula mi mes como candidata pa bira miembro di Directiva di Camara di Comercio di Aruba, den representacion di e miembronan cataloga como Grootbedrijf. Mi ta invita tur comerciante pa bin vota dia 12 di December proximo entre 9:00am y 12:00pm na Camara di Comercio”, asina Wanda Broeksema, CEO di Digicel Aruba a skirbi riba red social.
Mi vision ta pa nos crea un ambiente unda tin oportunidad den tur area pa companianan por re inventa nan mes y haya hermentnan tambe pa haci esaki pa por progresa y haci nos economia mas fuerte. Servicio ta bira dia pa dia mas esencial, specialmente cu clientenan tin opcion pa cumpra “online” awendia.
Mi ta gradici na mi pais, cu a duna mi estudio, mi a bay Hulanda y a prepara mi mes, a regresa y a demostra mi talento den diferente funcion na diferente compania, local y internacional….awor mi ta cla pa duna bek na mi pais dor di yuda desaroya un economia fuerte y duradero, basa riba principionan di un industria liber y competitivo. Nos tin un cantidad di ehempel pa ilustra con competencia a regula tarifanan, a mehora calidad di servicio y a amplia e opcion di productonan.
Mi ta conta riba boso sosten y voto. Masha danki!
