Diabierna ultimo Aruba a bay urna electoral pa eligi nan siguiente parlamento, den cual MEP a saca 7 asiento mas 2 restzetel a bira un total di 9. Mientras AVP a saca 6 asiento mas 1 restzetel, MAS a haya 2, RAIZ a haya 2 y ACCION21 a haya 1. Pero AVP falta 53 voto pa por yega un restzetel mas pa asina esaki bira 8-8 p’e dos partido grandi.
Rene Herde, vocero di AVP, a splica cu e sistema di organisa eleccion, conta voto y di reparti asiento, e formula ta existi pa asigna restzetel. E biaha aki a nota cu tin un diferencia masha chikito, mientras cu nan conta voto cu e diferencia ta cambia. Pero e diferencia ta masha chikito, mientras cu ta conta voto, e diferencia ta cambia. Pero e ta asina chikito, cu racionalmente ta hustifica y ta haci cu tin di bin un contamento di nobo.
Loke ley electoral di Aruba ta dicta cu votadonan tin e posibilidad te cu diaranson pa haci peticion pa conta tur voto di nobo Votado por bay eynan y bisa “Ami por haya prueba ki y kier pa conta e votonan di nobo”. Diabierna anochi tabatin contamento, algun checkers di AVP a bay presencia esaki y a nota cu e cantidad di votonan declara invalido hopi di nan tabata voto di AVP. Esey ta motibo suficiente pa bay check si tin voto declara invalido, pero cu no ta corecto.
Ley ta bisa cu tin cierto motibo ora un voto ta invalido, pero tin cierto checker a bisa cu ta declara algun invalido, pero segun ley no tabata invalido. E biaha aki e cantidad di votonan invalido ta mas halto cu antes. Ta mas di 980 voto declara invalido cu pa tur partido ta hopi. Haciendo uzo di e ley, e posibilidad pa pidi contamento di nobo, e votadonan di AVP lo haci esey.
Diaranson mainta, den reunion, nan lo haci un peticion pa un contamento di voto declara invalido.
