Tabata anochi di diabierna cu el a tende loke a tuma lugar den Kapel di AltoAlto Vista y di biaha e a tuma contacto cu Pastoor Santiago di Parokia di Noord, kende ta esun encarga cu e Kapel.
E tampoco no tabata bon na altura, Solamente loke medionan a publica.
Mes un anochi Vicario Andres a tuma contacto cu Monseigneur Secco y hunto nan a dicidi pa no actua a base di emocionnan y sin sa prome di e detayenan di e succedido.
Den un situacion asina ta mas prudente pa resa pa esnan cu a comete algo asina doloroso na un lugar asina stima pa henter pueblo y ariba dje tur e maldad a tuma lugar na pia di nos Patrona stima.
Den un caso asina cu el ta considera un sacrilegio y profanacion, e mihor forma ta pa reza, esta uni den oracion pa pidi pordon pa e personanan cu a comete esaki y cu no sa kiko el a comete. Un danjo sigur hopi grandi.
Iglesia ta kere cu banda di pueblo mester di formacion Spiritual pa reaciona den casonan asina den un forma mas prudente.
Sigur e ta condenable y durante e siman aki cu lo ta un siman na unda tur pastoornan lo ta den retiro Spiritual, e caso specifico aki lo ser trata sigur. Di eynan lo sali afor loke lo bai tuma lugar.
Una biaha mas Vicario ta pidi pueblo pa duna tempo pa asina por trata e caso aki den un forma hopi prudente.
