E Gobierno di Venezuela a cuminsa dialuna na reactiva e operacionnan comercial aereo y maritimo cu e islanan di Aruba, Boneiro y Corsou, tres luna despues cu a ordena su ciere como un medida anticontrabando.
E minister di Transporte, Carlos Osorio, a haci e anuncio na e aeropuerto internacional di Valencia, mas of menos 150 kilometer west di e capital, Caracas, di un vuelo di Aruba Airlines
E medida a permiti e reanudacion di algun vuelo di Aruba Airlines, un opcion pa esnan cu ta manera di sali of drenta Venezuela, despues di e suspension di e biahenan pa e aerolinea Panameño Copa, tras e decision di Gobierno di inclui nan den un lista di empresanan cu cual a kibra e relacionnan economico.
E presidente ‘a duna nos instruccion di reactiva desde awe (dialuna) y di manera progresivo tur transito maritimo y aereo cu e islanan di Aruba, Corsou y Boneiro,” Osorio a bisa periodistanan.
Na Januari, Maduro a ordena ciere di e puntonan di intercambio comercial cu e tres islanan bisiña, den cual el a cualifica como un medida contra mafianan cu ta contrabandea productonan for di Venezuela.
Gobierno te cu awo, a autorisa solamente e reactivacion di e vuelonan comercial desde y pa Valencia, pero ainda no a informa na ki momento lo cuminsa na opera dese y pa Caracas.
E minister a bisa cu e transporte maritimo tambe lo cuminsa desde e puertonan di Vela de Coro y Guaranao, ambos den e parti extremo noordwest di Venezuela, cu e debido registro di embarcacionnan.
