Diahuebs den oranan di merdia, a sosode un accidente basta fuerte, na momento c’un auto ta ranca dos pa tres troncon di mata, pa despues bolter.
Ta trata aki di un auto, Nissan Almera, A-22901, cu a keda completamente destrui. Tanto polis como ambulance a presenta na e sitio.
Tur cos ta indica cu e Almera tabata biniendo for di direccion Pavia bayendo abou, ora cu el a topa c’un Mitsubishi Montero, cu na e momento eu tabata saliendo for di su cura.
Chauffeur di e Almera a mishi cu e Montero, el a spanta y perde control di su vehiculo. E ta ranca dos pa tres troncon di mata y ta ranca esaki completamente for di raiz.
Ambulance a presenta na sitio pa asina duna e chauffeur femenino di e Nissan Almera checkeo medico.
