Diahuebs anochi Polisnan di Strand Politie a para un Hyundai Getz color preto riba e caminda di Palm Beach. Un pida caminda di santo cu ta conecta e dos camindanan di Palm Beach.
Polis a stop e auto y pidi refuerso. Den e Hyundai Getz tabata tin cinco persona. Tres homber sinta patras y un homber na stuur cu un dama sinta na banda.
Polis a atende cu esnan den e auto. A baha esnan patras y ta hendenan no local. Nan no por a prueba cu nan ta legal riba Aruba.
A detene e tres hombernan patras den e auto. E dama dilanti sinta tambe Polis a atende cune apart den auto di patruya. Dogcatcher a bin busca e tres hombernan deteni.
A listranan y listra e auto Hyundai tambe. A busca tur caminda den e auto pa cosnan sospechoso contra ley. No a haya nada contra ley den e auto apart di e tres hombernan sin documento.
