Husticia den accion grandi diaranson mainta. Den ora trempan di mainta a tuma nota di diferente team di aresto den accion. Un investigacion riguroso a hiba na diferente detencion y tin indicacion cu ta trata di un of mas personal di KIA envolvi.
A ricibi informacion cu a haci un ‘inval’ den e instituto coreccional na Santo di Patia caminda tanto preso como trahado a haya sorpresa di nan bida ora cu e team di aresto a presenta. Un accion grandi cu diferente team na diferente adres riba nos isla.
Segun informacion cu tin te na e momento aki for di sitio, tin dos detencion cu a tuma luga na Koningstraat caminda cu a haci un di e entrada hudicialnan. Na Savaneta tambe a haci un entrada na un cas.
No ta descarta cu lo tin mas detencion na caminda mientras investigacion ta continua. Ta pendiente declaracion oficial di ministerio publico y/of cuerpo policial relaciona cu e caso aki.
