Awe tin e actividad di Spulakrijt y aña pa aña ta bira mas grandi. Door di esey polis ta bay tin extra control riba y mas agente riba caya. Cuerpo Policial ta den combersacion cu Ministerio Publico pa mira riba ki otro parti nan por bay haci control, ya cu esaki mester bay den deliberacion cu nan. E situacion ta uno bastante alarmante y Cuerpo Policial ta ripara cu e parti siguridad di cada uno ta hunga un rol importante.
Desde januari di e aña aki Cuerpo Policial a confronta cu diferente caso cu tiramento cu a costa bida di hopi hoben, principalmente den area di San Nicolas. Pa loke ta trata e casonan penal, a detene sospechoso y diferente di nan ya caba ta resolvi.
Vanessa Tjon-Kock, altocomisario di Cuerpo Policial, a indica cu esey ta algo di aplaudi, pero no ta significa cu aki no tin un problema. Nan ta ripara a base di e cifranan, principalemente den e areanan di San Nicolas y Oranjestad, nan ta haya hopi caso di melding di incidentenan di tiroteo.
Minister di Husticia a indica riba e maneho den husticia, unda cu nan mester tene cuenta con pa combati esaki. E situacion ta birando mas dificil y alarmante, por ripara cu e fin di siman aki Cuerpo Policial ta bay cuminsa cu otro tipo di control. Ta bay tin control den area di San Nicolas como den otro districto.
Pa cobertura mas amplio, lesa e edicioin di TREMPAN mañan.
