Un chauffeur cu un van a causa un accidente den Wayaca Residence. Esey tabata diahuebs mainta. Chauffeur di e van tabata core pa sali for di Wayaca Residence.
Dado momento den e birada poco pabou di e rotonde, el a dal den acera na man drechi. Djey e mes a bisa cu el a perde control, a kita bay den robes y dal den un Chevrolet SUV di direccion contrario. Daño na ambos auto ta basta. E dama chauffeur a declara cu e tabata na caminda pa bay check su yiunan na un camping ora cu e desgracia a sosode.
Segun el a sigui splica net seguro a caduca y el a perde su rijbewijs recien. Ambos chauffeur tabata tin dolor na curpa pero a nenga yudansa medico. Despues cu polis di trafico a atende e accidente, a haci uzo di takelwagen pa kita ambos auto fo’i caminda. Autonan cu tabata yega eybanda mester a bolbe y pasa rond pasobra e autonan kibra tabata stroba.
