Tabata 10 aña pasa ora cu Urvin Paesch a drenta den servicio di Post Aruba N.V. El a inicia su funcion como besteller dia 8 di Juli 2007 unda el a traha den un forma excelente. For di 1 di October 2016, e ta den e departamento di E-Post realisando un tremendo labor.
Post Aruba N.V. ta elogia su manera di traha cual e ta haci’e cu hopi perseverancia y hopi duro. Semper e ta pendiente pa e trabao keda cla y bon realisa. Urvin Paesch ta un persona cu ta gusta siña for di loke e ta haci tur dia.
Gerencia y staf di Post Aruba N.V. ta masha contento di por celebra su hubileo. Durante e ocasion special aki, den presencia di su famia a entrega Urvin Paesch su envelop mereci pa e añanan di trabao duro. Post Aruba N.V. ta desea Urvin hopi aña mas cu e compania. Masha Pabien.
A funda e compania priva Post Aruba N.V. na aña 2005. Su oficina principal ta situa na J.E. Irausquin Plein # 9 na Oranjestad y tin 2 oficina adicional na Santa Cruz y San Nicolas. Ey ta ofrece tur tipo di servicio, for di manda un envelop, te na carga pisa. Post Aruba N.V. ta conta cu 111 empleado, cu diariamente ta yega na 42 mil adres situa tur rond di nos isla. Mas cu djis un servicio, e empleadonan atento ta percura pa tanto comunidad como sector comercial por comunica cu otro.
Pa mas informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba N.V. y Aruba Stamps.
