Diaranson atardi partido AVP, hunto cu partido MAS y Accion 21 a compila y firma un carta y a hiba esaki representante di Hulanda na Aruba (VNO) p’asina entreg’e na Hulanda contra e gobierno actual. Ta trata di un carta basa riba mal gobernacion na Aruba. Esey ta loke por lesa den e carta den liñanan grandi. Ursell Arends ta lider di partido RAIZ y alabes vice-prome minister. Segun Arends; e carta aki ta consisti di dos componente, di cual uno di nan ta e aspecto politico y e otro e parti positivo.
Minister Ursell Arends, a indica cu ta menciona varios tema politico den e carta pero sin un base y cu oposicion no tin solamente e deber, pero tambe e preocupacion di pueblo dilanti. Nan unico meta ta pa baha gobierno, manera e lider di e partido grandi di oposicion, AVP, mr. Mike Eman a indica, cu e lo no descansa tanten cu e no baha e gobierno.
Segun e mandatario, oposicion a manera uni den un stempelopositie pasobra tur loke gobierno trece dilanti, semper nan ta contra. Nunca loke gobierno trece dilanti, esaki nunca ta bon pa nan. Nan no ta sostene BBO, nan no ta sostene BTW, dus ya no sa mas kico nan ta sostene.
Arends a sigui bisa cu e madures politico cu nan ta eherce y e liderazgo cu gobierno a asumi, oposicion mester contribui na trece solucion. E carta na Hulanda ta papia di problema. Pero pa nan e unico solucion cu oposicion ta bin cu ne, ta fia mas placa y crea mas debe. Nan no ta propone nada otro. Pa articulo completo subi TREMPAN.
