Siman pasa sindicato SEPPA a manda un carta pa Minister di Transporte, Integridad, Naturalesa y Asuntonan di Adulto Mayor, Ursell Arends, unda a pone e contra proposicion dje trahadonan di Arubus NV. E mandatario a manda un carta bek n’e sindicato cu su contesta.
E mandatario a pidi un reunion cu SEPPA, mediador, hunta di comision di Arubus pa duna un presentacion riba e situacion critico di Arubus. Arends a splica den e carta cu ahuste di salario structural no ta prudente y gobierno ta cumpli cu peticion dje trahadonan. Ta califica salario structural como iresponsabel cu por empeora e situacion critico.
E contracto laboral colectivo (CAO) ta extendi te dia 31 di december 2023 conforme compensacion stipula den protocol di dia 12 di december 2019 di 1850 florin cual suma lo ta paga den e prome kwartaal di 2023. Tambe e mandatario ta haya cu no ta prudente pa mara ningun proposicion p’un termino despues di 2023 sin e debido analisis y plan di rescate.
A laga PWC haci investigacion y asina cu e rapport di doorlichting aki ta disponibel, lo comparti esaki cu e sindicato. Despues di esey lo reuni pa delibera hunto riba e contenido y recomendacion.
