Despues di e reunion na den Conseho di Minister a dicidi cu lo bay bin un buskeda nacional pa e hobencito di 3 aña, Roshandrick Eugene Frans. E ta e ruman chikito di Rishandroh Frans, kende a fayece ayera, dia 24 di November, pa motibo di e tantisimo lesionnan grave cu el a sufri, caminda cu su mama y su padrastro a wordo deteni como sospechosonan di maltrato severo.
Famianan ya caba a reuni na Joe Laveist Sportpark den oranan di merdia, pa asina busca den tur cas bandona, banda di lama, den mondi y na cas di tur e conocinan di e mama y padrastro. Pueblo di Aruba, ban uni. Esaki ta tumando luga awor aki.
Tambe di parti di Cuerpo Policial a saca un poster pa cualkier persona cu tin informacion of tips di e hobencito, pa por fabor yama di biaha na tiplijn: 11141. Esaki ta un yamado urgente na comunidad. Ban busca Roshandrick Eugene Frans y trece bek cerca su famianan sano y salbo.
