Polis a informa awe cu nan unidad motorisa a detene no menos cu 8 chauffeur despues di festival di Caiso den Aruba Carnival Village awe marduga. Polis a para na puntonan strategico pa eherce e controlnan. Ni cuanto conscientisa chauffeurnan riba stuurmento di auto bou di influencia di alcohol, toch esaki no ta yegando na tur hende y diariamente ta sigui topa cu chauffeurnan irresponsabel y burachi na stuur.
A detene no menos cu 8 persona, di cual 5 tabata pa stuur auto bou influencia di alcohol y 3 pa stuur auto sin rijbewijs. Tambe a confica no menos di 5 brommer. Di e 5 chauffeurnan deteni pa stuur bou influencia, 2 di nan a keda sin rijbewijs na final, pasobra nan rijbewijs a keda “ingevorderd”, pues a kit’e for di na te ora Hues dicidi otro. Mas leu Polis a informa cu nan a parti 17 boet pa otro infraccionnan di trafico.
Remarcabel ta, segun e unidad motorisa di Polis, cu e anochi/marduga a resulta basta keto. Mescos tambe ta den e festival mes, unda tabati 74 Polis riba pisa pa garantisa orden publico, no a detene ningun persona. E actividad a caba na ora, esta pa 1:55am, sin ningun novedad.
