Dialuna anochi alrededor di 11:45 pm polis a presenta na un adres na Catiri p’un problem’i pareha. Na yegada, e defensornan di ley a topa cu un hende muhe cu man na cabes ta yora. El a bisa polis cu su pareha a agredie. No mucho rato despues polis a topa cu e tipo na e cas, no a basila y mesora a dorn’un boei na su mannan.
Den un transporte policial a transport’e pa warda di polis caminda e tin di bay duna cuenta di su acto dilanti di un subfiscal. Pa awo, e homber lo pasa e rest’i anochi tras di trali. En bes di drumi riba corchon awe nochi, e lo sosega su body riba beton pa e refleha riba su acto.
