Un turista a haya accidente cu e auto cu el a huur. E chauffeur masculino kier a gosa di e ultimo anochi na Baby Beach. E mester biaha Diarranson bek pa su pais. Pesey a escohe pa bay anochi pasa su ultimo oranan pariba den Colony banda di Lama.
E tabata tin varios boter di cerbes y tambe snacks. Ora e tabata bay ariba y coriendo poco duro a perde control na stuur di e auto di huur. Net na e bahada pabou di e anker el a bolter y auto a keda cuater wiel pa laira. Polis a ser avisa. Na yegada a atende cu e chauffeur y Paramediconan tambe a presenta y haci e control necesario.
E chauffeur tabata mustra ok. Esnan di e compania cu ta huur auto tambe a presenta. Nan a mira e situacion y bisa mesora cu e chauffeur turista mester paga e daño na e auto.
