E jeep V-5878 a coy caminda robes riba tanki di Alto Vista. E turista a subi e caminda corecto pero a faya y kier a traha caminda nobo pa baha. Mainta banda di 10or e turista a bati alarma na e compania di huur. A bisa cu nan a haya problema anochi riba tanki. Prome cu esey mainta ya caba polis a haya yamada y a bay mira e situacion.
No ta auto horta. Ta auto cu turista a huur. E compania a manda su personal mesora pa bay atende cu e auto y purba saca e auto for di caminda el a baha. Ta e matanan cu cadushi a wanta e auto. Si esaki no tabata tey e por a bira un problema mas serio pa e turistanan. No ta conoci kico nan tabata haci anochi riba tanki. Logicamente e daño nan mester paga.
