Un habitante a lanta mainta trempan y haya su cura cu daño. A mira marcanan riba caminda di santo con e chauffeur cu e auto a perde control dal den e cura. Mas despues otro bisiña mas panort a mira un auto cu a keda atras riba su tereno y tur kibra banda di pasahero. E auto tabata sera completamente. Un Suzuki Swift colo shinishi. E chauffeur coriendo iresponsabel a perde control riba e caminda di santo.
A dal den e cura y purba sigui core pero e daño na e auto tabata mucho grandi pa por a sigui huy. El a yega net menos cu 100 meter mas leu. Polis di trafico a presenta na e sitio. Djey a dicidi cu ta confisca e auto. Parce e number no ta klop cu e auto. No a topa te e momento ey un hende cu por a para responsabel pa e acto di hit and run cu tabata uno cortico mirando e daño riba e auto.
