Diadomingo madruga pa 3:27 central di polis ta wordo notifica cu un accidente a tuma luga riba e caminda di Noord direccion Westpunt.
Patruya di Noord a bay cu urgencia na e sitio. Na yegada di e patruya a bin topa un auto Hyundai Accent shinishi numera V-1236.
E chauffeur tabata basta grave herida.
Patruya a pidi pa un ambulance cu urgencia y tambe ekipo di rescate di bombero. Na yegada di personal di ambulance a purba yuda e victima pero no por a haci nada pa e persona. Pa 4:15 dr Texier a constata morto di e turista masculino Eden SHIMONIY naci na Israel dia 21 juni 1992.
Specialista di trafico a yega na e sitio di e susedido pa haci un investigacion. Tambe polis tecnico tabata presente. A pidi pa slachtofferhulp pa asina asisti e famia den e momento dificil na e sitio despues cu nan tambe a ser avisa.
Esaki ta di 9 morto den trafico pa aña 2018.
Palabraman di condolencia na famia di e fayecido.
