Diamars, den oranan di merdia, polis y ambulance a wordo pidi cu maximo urgencia na altura di e beach dilanti di Playa Linda.
A drenta informacion cu tin un persona cu lo a hoga of ta hogando.
Unidadnan policial cu a yega na e sitio a topa cu algun persona ta trahando, yudando, reanimando un turista di edad toch basta halto.
Nan a sak’e for di awa, despues di a mira cu e tabata drief. E persona aki a guli basta awa. E momento ey, e personal di ambulance, tambe cu a presenta, a cuminsa haci nan trabao, pa mira si por scapa bida di e turista aki.
Claramente por a mira cu su situacion tabata hopi hopi critico. Asina mes, despues di basta esfuerso riba e beach, nan a sali cun’e cu maximo urgencia pa dr. Horacio Oduber Hospital, caminda cu eynan tambe tabata tin dokternan ta wordo prepara, hunto cu e personal, pa ricibi e turista aki cu tabata den un situacion hopi serio.
Ban spera cu tur cos cana nechi, pa e turista aki cu a bin disfruta di nos isla y haya cierto complicacionnan den awa dilanti di Playa Linda, gosando di nos beachnan, probablemente, hunto cu su famia.
