Diasabra atardi alrededor di 3:45 pm polis a presenta cu urgencia na Aruba Beach Club Resort. Aki ta caminda cu un turista a confronta problema den pool di e hotel.
Demas turista y personal di e hotel a nota cu e victima tabata boca abou den e pool. Mesora a bati alarma n’e instancianan necesario. Nan a logra saca e turista y cuminsa haci CPR cu ne. Ambulance a yega na e sitio y di biaha a tuma e turista over. Despues cu a logra stabilis’e, a transport’e cu urgencia pa hospital, caminda e lo ricibi atencion medico avansa.
No obstante cu e ta den un situacion hopi critico, toch e turista a logra reacciona. Slachtofferhulp tambe a bay direccion di hospital p’asina brinda sosten na famia y e victima.