Diaranson algo pasa di 5:30 di atardi doño di compania di huur quadracers (ATV) a haya discucion cu un turista papia spaño dilanti entrada di Waf di Playa. Por a bin compronde cu e turista a huur un ATV cu mainta tabata tin un belt cu a kibra. E turista a haya otro quadracer cual el a usa henter dia sin raporta cualkier otro fayo.
Ademas e compania a dune casi un ora di speling pa asina e por gosa di e tempo cu el a perde pa trece e otro quadracer bek. Na momento di entrega e ATV bek, e turista a haya bon pa exigi su placa bek pa loke a pasa mainta. Aki tabata tin discucion pasobra e turista no kier a razona. Polis a ser yama. Despues di hopi papiamento entre ambos partido, e operador di e compania di huur quadracers a dicidi pa tog duna e turista mitar di su placa bek. Esaki el a haci di buena fe aunke no tabata necesario. E turista tabata riba barco y procedente di Puerto Rico.
