Ta e di tres den menos di un siman. Aki ta caminda cu e stepnan electronico ta envolvi den incidentenan rond di nos isla. E biaha aki, por tabata pio pero esey no tabata e caso. Un turista riba un step electronico no a controla e step cu consecuencia a cay y por poco un auto a alcans’e. E incidente a sosode dilanti di Hyatt Regency riba J. E. Yrausquin Boulevard.
Un taxista coriendo cu velocidad regula por poco a hay’e den desgracia innecesario. Asina mes, e taxista baha y yuda e turista. E notifica tanto polis como ambulance.
Na yegada di ambulance, e turista a nenga di ricibi atencion medico. Polis a tuma tur informacion necesario y a sigui cu nan patruya riba caya.
