Tin un rotonde nobo cu antes nos tabata conoce como e crusada di Hospital. Na e crusada aki, varios accidente a yega di tuma luga. Ex minister di Infrastructura y parlamentario Benny Sevinger, tabata parti di e proyectonan aki. El a splica ora cu nan a drenta den Gobierno tabata tin tres cos cu Infrastructura mester a tene cuenta cun’e. Uno ta renoba nos pais, pone na un nivel mucho mas halto. No por tabata tin hotelnan di cinco strea y e resto di pais su infrastructura ta na un of dos strea.
Dos: trece trabao cu ta bin cu un desaroyo economico. Tur e trabaonan di infrastructura a bin cu desaroyo economico. Segun e ex minister, un di e reunionnan cu contratistanan grandi na Aruba, a cuminsa bisa nan di nan plan. Aunke nan tabata eskeptico. Pero awe nan por mira ocho aña bek riba tur e trabaonan di infrastructura cu a wordo haci.
E di tres ta drecha e barionan, pa trece un calidad di bida pa nos ciudadanonan. Hunto cu esey siguridad den trafico. Hunto cu esey a bin un team cu ideanan nobo, un team local, infrateam, DOW, DIP, Kadaster. Tur e departamentonan di infrastructura envolvi, pa mira con por drecha nos infrastructura, pa baha e cantidad di accidentenan.
E cambio mas principal ta e cambio di mentalidad, unda cu a bisa cu ta traha infrastructura pa hende, enbes di pa auto. Mas hancho e caminda ta, mas lihe e auto ta core, mas chens di haya accidente. A cambia mentalidad eynan. Den tur bario, caminda cu tabata tin cayanan cu ta drecha, manera cu a drecha Madiki, de Vuyst, Pos Chikito, barionan nobo. Tur a bisa cu ta haci e careteranan den un solo direccion, pa asina eynan no tin auto cu ta bin di otro banda. Muchanan ta haya espacio pa na por recrea. Tin mas caminda pa pone mata, pa pone fietspad. Tur esakinan ta infrastructura pa hende den bario. Y a trece cu a baha siguridad tambe. Rond di Aruba a haci un diferencia grandi ora cu a pone plateau. A pone diferente plateau rond di Aruba. Ainda tin proyectonan cu ta pone plateau. Tur esaki a contribui na un miho siguridad den trafico.
Despues a bay na e crusadanan. Con por haci e crusadanan mas sigur y alivia trafico.
DOW mes ta traha algun di e rotondenan, esunnan chikito cu por mira banda di Marathon, na Tamarijn , den La Sallestraat. Tur e rotondenan aki a wordo traha cu DOW mes. Por a mira cu e trafico a wordo alivia y a trece siguridad tambe.
E rotondenan grandi, manera esun dilanti di aeropuerto. Manera esun banda di hospital, manera e otronan cu a traha manera di Codemsa.
