E boto Materialista cu a ser tuma den beslag pa autoridad ta bek cerca su doño. Pa di dos biaha a intercepta e boto riba lama cu hendenan cu status no legal. Durante pandemia cu frontera cera a coy e boto riba lama hibando hendenan bek Venezuela mitar caminda. A wanta tur hende y tuma e boto den beslag.
E tempo ey na final a entrega e boto bek y hasta hues a haya cu mester a laga nan sigui pa hiba e hendenan zuid. Ta bay nan tabata bay bek y no mester a stroba e biahe. Asina e doñonan a haya nan boto Materialista bek. Recientemente a bolbe topa e boto riba lama biniendo tera. A haya algun Venezolano abordo y tambe local. Kustwacht mes a manda informacion cu a topa e boto biniendo cu hende di Venezuela. Parce e hendenan lo a sali segun Kustwacht y tabata caminda pa Aruba cu e boto Materialista. Nan tabata tin carta di asilo. A wanta tur hende pa investigacion y atrobe a tuma e boto materialista den beslag. Despues di algun siman a haya e boto bek. Diahuebs a haya e boto den oranan di atardi. Tambe tur e Venezolanonan cu carta di asilo a haya libertad. Kiermen no tin nada mas contra nan. Boto ta bek cerca su doño y tur hende ta liber. Tanto e local como tambe e Venezolanonan cu carta di asilo ta liber y e boto ta cla pa bay awa.
