Tabata alrededor di 10.30 di anochi dialuna cu a bati a alarma pa un persona cu lo ta hortando den e dicho bar situa ariba L.G. Smith Boulevard net pabou di Certified Mega Mall. Tur dia Polis ta presenta na e mesun bar aki pa caso di ladronicia. Un security atento haciendo bon trabou pa varios tempo caba semper ta yama Polis pa adictonan cu kier kibra y drenta den e bar. Ta ayera mainta rond di 5.00am nos tabata presente pa mesun tipo di caso na e bar y e doño ta man na cabes cu e situacion aki.
Awe despues di 10’or varios patruya a bay pura direccion di Long Island Bar atrobe pa wak si ta topa cu e ladron aki cu tin e area terorisa. Unidadnan cu ta controla costa, helicopter y hasta hefenan di Polis tambe a presenta na sitio. A busca full rond di e luga pero no a topa cu nada. E “rolluik” di e luga tabata forsa pero no a topa cu e malechor. Bon trabou na e security pa bati alarma y tambe na KPA cu a sa di activa mesora y haci un buskeda den area pa un ladron activo.
