Tabata alrededor di 1:15 am ora cu polis a presenta den Sero Patrishi pa un grupo di hoben cu a menasa algun bisiña den e area. Ta un rato prome cu a bati alarma cu a kibra boter riba caminda y cu ta un molester p’e caya.
Mirando cu a kere cu nan ta arma cu boter kibra den man, polis a presenta den un grupo grandi, di por lo menos 10 patruya di polis. A topa cu e trio para pafo di un cas.
A controla den e auto, bari di sushi y hasta rond di e cas, pero no a topa cu nada ilegal. A informa si, cu e trio aki a menasa algun persona den e area. A detene tur tres y a transporta nan pa ward’i polis caminda a presenta nan dilanti un subfiscal pendiente investigacion. Pa awo, nan lo permanece encarcela.
