Dialuna anochi diferente persona bati alarma pa un trio den un Nissan Sentra den area di Dakota y Tarabana. Un rato prome e trio aki tabata envolvi den un caso di agresion no mucho leu di unda a para e auto, esta den Cantaloupestraat.
A detene tur tres persona y transporta nan pa warda di polis caminda e proceso di interogacion lo inicia. Den e auto a topa algun saco di droga tambe. A confisca e auto y hib’e pa warda di polis na Balashi.
