Diahuebs mainta Corte a dicta sentencia den e caso di Vacuna Gate. A haya e tres personanan culpabel pero e castigo cu nan a ricibi ta nifica cu no mester bay KIA, manera Fiscal a pidi.
Ta trata aki di Jonathan Ridderstap, Gerald Oliver y Maikel Maduro.
E castigo cu nan a haya awe mainta tabata lo siguiente: Pa Oliver 365 dia di cual 324 dia ta condicional y 3 aña di prueba. Tambe a dun’e 240 ora di trabou pa comunidad of 120 dia cera y un boet di 2500 florin of 50 dia cera; Pa Ridderstap 365 dia di cual 328 dia ta condicional y 3 aña di prueba. 240 ora trabou pa comunidad of 120 dia cera y boet di 2500 florin of 50 dia cera. Den e caso di Maduro ta un poco diferente. P’e a impone 16 luna di cual 410 dia ta condicional y 3 aña di prueba. E cantidad di oranan pa trabou pa comunidad y boet ta mescos cu e otronan.
Pa mas información, lesa siguiente edicion di TREMPAN
