Awe mainta Corte a trata finalmente un caso di maltrato cu a tuma luga dos aña pasa na The New China Club.
Por corda cu e tempo ey tabatin elección pa un directiva nobo. Despues di un votación, e presidente saliente a dicidi di bolbe convoca un votación cual no a cay na agrado di un grupo.
E hombre Xiaobo Zhao ta un di esnan cu no a keda contento. Aunke cu Ministerio Publico a trece acusación pisa contra dje, esta di a trata di mata e presidente di e Vereniging William Chen, e ta bisa cu loke e kier a kibra e mesa cu un shovel pa evita cu e reunión ta sigui.
Fiscal si a haya proba cu e kier mata Chen ora cu el a zwaai e arma aki dirección di cabes di e presidente di The New China Club. El a pidi un castigo di no menos cu tres aña pa e comerciante Chines aki.
Hues a bisa cu diabierna mainta mes e lo dicta sentencia den e caso aki.
Pa un relato mas amplio, lesa e siguiente edición di TREMPAN.
