Diabierna anochi alrededor di 8:00 pm a sosode un accidente un poco mas panort di Fantastic Garden. Ta un accidente frontal entre un Toyota Yaris color preto y un Mitsubishi SUV color shinishi.
E Mitsubishi a purba evita pero no a logra. E Mitsubishi tabata biniendo for di Pos Abou y e Yaris for di direccion contrario, pues for di Fantastic Garden. E Yaris tabata core otro banda di caminda y cu luz paga, cu consecuencia a dal frontal contra di e SUV. E impacto tabata uno fuerte, cu basta daño material na ambos auto.
E front di Yaris a keda completamente destrui. Den e Yaris tabatin un baby como pasahero y claro, e chauffeur. E baby tabatin dolor na su lomba mientras e chauffeur a fractura su man. Den e otro auto tambe tabatin un persona cu a resulta levemente herida.
E airbag di Mitsubishi a sali debi na e impacto fuerte. Mientras polis a cera caminda pa documenta e accidente, e paramediconan riba ambulance a brinda tur e victimanan atencion medico.
