Dialuna, den careda di 11:15 am na Cumana, a sosode un accidente entre tres auto, caminda un Chevrolet Equinox, para pa bira bay na man robes, diripiente a sinti un golpi su tras.
Un Hyundai Sonata colo cora, no a mira cu un Kia Sportage su dilanti a brake, consecuentemente dal tras di dje y debi n’e impacto fuerte, a dal tras di e Chevrolet Equinox.
Polis a presenta na e sitio p’asina cuminsa cu nan investigacion. A pidi tambe ambulance pa presenta, ya cu tabatin dos persona levemente herida.
E Hyundai Sonata a ricibi mas daño material den e accidente aki, mientras cu e otro dos autonan a ricibi daño minimal.
