Ta net 17 aña cu a pasa e incidente cu a secuestra avionnan pa ataca World Trade Centre y mas di 1100 victima mester identifica ainda. Pero den un laboratorio na New York, un team ainda ta trahando pa identifica e restonan, cu progreso di tecnologia. Dia den y dia afo nan ta ripiti e mesun protocol.
E prome stap nan ta examina fragmento di weso haya den e desaster di e Twin Tower. Ainda falta pa haya DNA cu ta cuadra. Corta y mula e wesonan te na un stof fini, mescla e resto cu dos producto kimico cu ta expone y extrai DNA. Pero exito no ta garantisa.
“Weso ta e material biologico mas duro pa traha cun’e”, Mark Desire, assistant director di forensic biologia di Office of Chief Medical Examinar na New York, a bisa. “Y riba dje, ora cu nan ta exponi na cosnan na e Ground Zero, candela, molde, bacteria, solo, jet fuel, diesel fuel, tur esaki ta destrui DNA. Asina ta fisicamente bo por haya cantidad chikito di DNA.”
A test e 22000 pida di restonan di humano haya na e sitio desde e atake – algun 10 of 15 biaha caba. Te cu awo solamente 1642 di e 2753 hende cu a muri den e atake di New York a identifica nan. E otro 1111 ainda no a haya informacion corecto di identificacion. Hopi aña a pasa cu e laboratorio no a haya un nomber, pero niun hende no ta rindi. “Esaki ta e protocol cu nos tin desde 2001, pero nos a logra mehora e proceso di cada stap,” segun Desire.
DURO PA NO MUSTRA EMOCION
Na juli, casi 1 aña despues di e ultimo identificacion, e laboratorio a poe un otro nomber riba e lista – Scott Michael Johnson, analista financiero di 26 aña kende tabata traha riba piso 86 di e Toren Zuid. “Mi a sinti hopi bon di esey,” Veronica Cano, un di e criminalist di e team, a bisa. “Nos ta entrena pa no ta afecta, pero nos ta afecta pasobra di un manera e ta algo cu ta afecta tur hende. Pero mi ta purba di ta profesional y purba di trece un fina (closure) na famianan.”
E laboratorio ta dedica parti di su trabou na identificacion di 9/11 pero ta handle otro casonan di morto y hendenan disparce. Tin biaha famianan di victima ta pasa na e laboratorio. “Ta dificil pa no ta emocional door di e brasanan y palabranan di danki,” Cano a bisa. “Pa mi e ta grafitante di ta haciendo algo pa otro persona.”
E rol di famia ta critico den termino tecnico pasobra solamente e comparacion di DNA di e restonan cu un muestra duna di famianan por permiti identificacion. E examinado forensico tin 17000 muestra, pero niun p’e 100 victima, cual ta haci e esfuerso invano pa identifica e restonan ey. Un procedura exacto ta permiti famianan dicidi si y con nan kier haya ifnormacion di e identificacion di nan ser keri cu nan a perde.
Mary Fetched, kende a perde su yiu homber Brad di 24 aña ora cu e torennan a bin abou, a bisa cu ora di notifica e ta trece recuerdonan di e dia horibel ey. Tambe e informacion aki ta duna un paz di por dera bo ser keri un funeral adecua.
