Awe mainta durante bahamento di carga, trahadonan riba waf a confronta hopi molester di huma stinki di WEB y stof procedente di e compania nobo cu ta kibra piedra eybanda. A evalua pa para trabou pero finalmente a opta pa caba di baha e carganan y evita tardansa.
Trahadonan di ASTEC, Duana, Migracion, Polis y di agencianan di carga tin lunanan kehando y no obstante promesa cu lo cambia e combustibel cu ta uza na WEB, toch ainda no a nota cambio. Trahadonan ta bira malo constantemente, debi na e huma pisa cu ta pica nan wowo y haci nan garganta malo. E rol di e stof tambe no ta yuda den e proceso aki.
E preocupacion awor ta mas grandi despues cu Minister Otmar Oduber a menciona cu e dump nobo pa e proyecto di incinerator lo ta banda di WEB mes na Barcadera. Ta teme cu e molester ta bay bira mas ainda ora cu huma di incinerator y holo stinki mescla den otro y pasa riba tereno di waf di carga na Barcadera.