Diadomingo 24 di maart, Kiwanis Club of Aruba (KCA), e service club cu ta existi desde 1964, a organisa nan famoso torneo di golf caritativo na The Links at Divi Aruba. E evento a wordo sosteni door di un record di 22 hole sponsor como patrocinado principal y alabes un cantidad di 100 hungadonan di golf, cu a surpasa tur expectativanan.
E fondonan recauda pa e aña aki ta aloca entre Muchila Creativo – AWG 5000 ta otorga pa nan por cumpra un airco asina aporta na nan proyecto di conscientisacion y educacion sexual integral dirigi pa mucha y hoben uzando videonan moderno den un estilo accesibel. Un otro fundacion cu tin un proposito hopi importante y urgente ta Heart Centered Leadership Foundation; AWG 5000 pa e fundacion por sigui organisa workshops y seminarionan pa hobennan pa yuda nan den nan desaroyo personal y profesional.
KCA kier a gradici di curason nos socio- y patrocinadonan principal: Aruba Trading Company , Yrausquin, The Links at Divi Aruba y Elite Productions pa unabes mas colabora hunto cu KCA como un ekipo solido pa logra e exito di nos 14 torneo di golf caritativo.”
E ganadonan di e torneo ta como lo siguiente:
· Closest to the Pin: Robert Aldrich;
· Longest Drive Ladies: Julie Majerus;
· Longest Drive Men: Chris Williams;
· Best Gross: Pierre Rafini, Greg Martis, Giovanny Atencio, Alex Molina;
· Best Net: Charles Latham, Derrick Huntington, Julie Majerus, Joshua Hubbard.
E aña aki como premio pa e hole-in-one tabata un Ford Territory Trend 2024 cu a ser poni disponibel pa Yrausquin. Lastimamente niun hungado tabatin e suerte e aña aki pa haci un hole-in-one, dus nos ta spera cu esaki si lo ta e caso pa otro aña!
KCA ta extende un danki di curason na tur hungadonan y hole sponsor (secuencia alfabetico): Advance HR, Aeropuerto International Reina Beatrix, AIB Bank, Arugas, Astec, Axioma Corporation, Banco di Caribe, CMB Bank, Compliance & Forensic Services Caribbean, Discovery Travel, Eagle Aruba Resort & Casino, Ennia Insurances, Garage Centraal, Interport Logistics, Klatt & Partner, Medwork Caribbean, Nagico Insurances, Papia Mia, Payroll Pro HRM, RBC bank, Satex, Total Finance pa nan sosten financiero den e torneo aki.
Otro aña lo tin dobel celebracion; lo tin e di 15 edicion di e charity golf tournament mientras cu e club lo celebra su di 60 aniversario trahando na bienestar di e comunidad Arubano!
Kiwanis Club of Aruba ta existi desde 21 di november 1964 y ta un di e service clubs mas antiguo di Aruba cu un total di 40 miembro. E meta principal di KCA ta pa mehora e bidanan di muchanan na Aruba. Esaki ta realisa door di organisa diferente proyectonan pa recauda fondo, trabounan boluntario y proyectonan di conscientisacion. Pa mas informacion tocante Kiwanis Club of Aruba por fabor bishita nos pagina riba Facebook.
