Awendia e oficina principal di Sindicato STA parce ta den Cocolishi na Bestuurskantoor. Diego de Cuba, e Presidente di STA cada dia ta demostrando con pendiente e ta di politica. Diego de Cuba a bin cu un storia pa purba atacha nomber di sindicato TOPA y SEPPA. Tanto TOPA como SEPPA ta atendiendo diferente reunion importante cu Minister Andin Bikker. E tin di haber cu e diferente retonan cu e trahadonan di Migracion entre otro.
STA no ta representa trahadonan na Migracion. Kizas algun na Guarda Nos Costa pero aki tambe nan ta bandonando STA poco poco. Hopi miembro ta bandonando STA pasobra awe nan tur e confirma cu STA ta bon pa haci buya den media y pueblo, pero pa e miembro mes no ta logra nada.
Despues cu SEPPA y TOPA a caba di tene un bon reunion cu Minister Andin Bikker, diripente a mira un publicacion di STA cu ta mas bien bruhamento di tera. Tanto SEPPA como TOPA a confirma nos redaccion cu ningun rato a papia di protesta diasabra na Migracion. Hasta por bisa cu e reunion cu Minister Bikker tabata uno hopi sano y habri pa sigui dialoga entre otro riba e Formatie Plan.
E weganan di Diego de Cuba ta mas bien weganan sushi cu un sindicato serio no ta haci. TOPA y SEPPA no sa kico STA kier logra. Cualkier mentira e berdad ta alcance y den e caso aki e mentira di Diego e berdad tabata tey ey mes tras di porta. TOPA y SEPPA lo sigui cu nan dialogo pasobra nan ta mira cu esey ta e forma di logra bon resultado pa nan miembronan. Nan no ta presta nan mes pa tipo di weganan sushi y populista den media dor di STA.
