Aunke Mike Eman a resulta votegetter, toch el a bay 400 voto atras. E trend di caida a conta tambe pa e siguiente tres candidatonan, Benny Sevinger cu a baha di 3932 pa 2785, Mike de Meza a baha di 2095 pa 2028 y Arthur Dowers di 2079 pa 1505. Na di 5 luga riba lista di Richard Arends, cu den su prome salida a cosecha 1309 voto.
Gerlien Croes a sali cu 982 voto. Mervin Wyatt-Ras a baha di 834 voto pa 661 voto. Jennifer Arends-Reyes a cay di 603 voto pa 588 voto. Dr. Alex Schwengle a baha di 767 voto na 2013 pa 467 voto na 2017. Y na si 10 luga riba lista di AVP ta figura Clayton Croes cu a sali cu 445 voto.
Aunke den AVP no a menciona cu esunnan cu mas voto lo drenta Parlamento, pero considerando cu Mike Eman a anuncia di lo no bay mas den Parlamento, cu si ta pa voto, e fraccion berde lo mester ta asina.
