Diaranson a continua e Foro Nacional pa Adulto Mayor y un di e participantenan na esaki ta Aruba Hotel and Tourism Association (AHATA). Di organisa e foro nacional aki ta algo bon, unda cu hunto nan por yega na un solucion pa ofrece e adultonan mayor un bon calidad di bida y cuido.
Tisa LaSorte, CEO di AHATA, a expresa di ta masha contento di por participa den e Foro Nacional riba cuido di adulto mayor. Hopi hende na Aruba ta compronde e problematica aki. Aki na Aruba tin problema cuminsando n’e pensioen cu ta ricibi. Loke hopi hende ta ricibi no ta bastante pa nan tin un bon calidad di bida.
Ademas di esey, e cuido di adulto mayor mester cuido medico por ehempel, cu mester di ayudo y no por biba nan so mas, LaSorte a expresa cu e tipo di cuido ey, servicio ta hopi caro. Hopi problema cu tin ta cu si e persona ainda ta productivo, nan por sigui traha. El a indica cu nan kier pa tin oportunidad di trabou pa esunnan cu ta productivo ainda despues di edad di pensioen. Tambe tin esunnan cu no por ta productivo mas den e parti di trabou, pero ainda tin bon calidad di bida.
LaSorte ta kere cu tur mester bini hunto. P’esey a tene e foro aki, unda hunto ta bin na un solucion y cu por ofrece e calidad di bida ey. Tambe un bon cuido na nan. P’esey durante dos dia un grupo grandi a bini hunto pa mira si por yega na e solucionnan ey p’e pais, p’e adultonan mayor.
Pa mas lesa Trempan.com.
