Autoridad ta informa pero asina mes e situacion cada dia ta birando pio. Ta sinti cu e por bay for di man. Durante siman a informa cu den ora di anochi, un partido di corant a bira victima di e echo aki, na momento cu a guera su auto cu webo.
E biaha aki e acto a sosode den dia caminda un otro vehiculo a bira victima di tiramento di webo riba trafico. Hopi ta esunnan cu ta informa durante dia den orario di scol, na momento cu nan ta tuma e ruta di Brazil, Caya Jose Geerman nan ta haya nan confronta cu webo tira riba nan auto.
Autoridad tin bista riba e malhechornan aki, como cu e sucedido a bira algo diario. E daño cu ta causa na cada vehiculo ta bira costoso. Tin di corda cu e webo seca riba e auto e ta bira dificil pa kita, como tambe e por causa daño na windshield of bentana y kibra esaki. Sin lubida cu e por kita visibilidad si acaso bay uza e wiper pa kita e webo cu a susha e windshield.
Investigacion ta andando y ta spera cu pronto por acuta contra esun (nan) responsabel.
