Diahuebs atardi alrededor di 4:00 pm a sosode un accidente riba e caminda di Kibaima. Esaki a tuma luga net dilanti di Kabaima 6T, unda un Nissan Cube color blanco a perde control y dal contra di un steunpaal.
E chauffeur tabata keha di basta dolor na su curpa, di cual ambulance a presenta pa brind’e atencion medico. Afortunadamente e no a ricibi golpi di gravedad. Daño material tabata considerabel, fender y front di e auto t’e partinan cu a ricibi daño. Polis di trafico a presenta pa documenta e accidente aki. Ta for di hopi tempo caba habitante nan di e area ta sclama na DOW pa pone un polis drumi (verkeers plateau) mirando cu auto ta core mucho duro den e caya.
