Hopi hende no sa, pero tin por lo menos 400 cacho riba dump di Parkietenbos. Nan ta wordo cuida pa e hendenan cu ta traha eynan.
Segun Zoraida Conijn, presidente di Luna Foundation, 400 cacho ta hopi. Nan ta come restonan di cuminda cu hende ta benta afo. Luna Foundation a dicidi pa yuda nan. Ta yudanan riba caya. A traha e feedernan di PVC. Ta hinca cuminda eyden, y ta yena nan cu cuminda. Ta colga nan y e cachonan ta bin come cuanto cu nan kier.
Cuminda
Ya diasabra a bay dump y e pvcnan tabata mita yen. E cachonan tin cu custuma. Nan no sa cu e feedernan tey. Nan mester custuma cu nan no ta core peliger si nan bay come eynan. Hopi cuminda ta bay den un feeder. E saconan grandi di cuminda, mita den un saco ta bay den un feeder. Tin awor aki 10 feeder riba dump.
Ta calcula cu ta hopi cuminda. Esunnan cu ta traha riba dump, nan tambe ta duna placa y ta cumpra cuminda pa yena e feedernan. No ta Luna Foundation ta keda yena nan. Tin un compania cu ta yuda cu cuminda. Nan a duna 50 saco di cuminda pa senior dogs. 50 saco ta caba den un rato. Si hende kier yuda, saconan grandi pa dump, 4 of 5 saco pa siman, cu ta caro. Pero si trece dos tambe ta bon. Tur loke cu pueblo por yuda cun’e ta mas cu bon bini pa e cachonan eyriba.
No ta un solucion
Hende ta puntra dicon ta duna nan cuminda. Segun Conijn paso un ta pa nan come pa nan sistema imunologico. E paso dos ta bin despues. Hunto cu trapper team, Luna cu Krioyo Trappers ta drenta pa castra y sterilisa nan. Por duna nan cuminda, pero si no stopnan di reproduci, e 400 ta bira 800 aki un djis. da prome pa percura pa nan weerstand ta bon. Despues ta drenta cu e haulanan pa castra y sterilisa nan.
Situacion
Conijn a splica cu e cachonan riba caya tin nan bida mas dificil compara riba dump. Esunnan riba dump, por lo menos riba caminda. Nan sa con pa survive. Nan tin awa limpi eyriba. Tin di nan hasta ta come pisca fresco. Nan ta drenta awa y ta pisca. Ta dificil pa nan sobrevivi eyriba, candela, calor. E ta vies, segun Conijn. Pero hopi di nan no tin ni carpata eyriba. Luga nos bestianan riba caya, nan ta sufriendo mas. Nan no tin luga unda pa haya cuminda.
