Recientemente Tiger Taekwondo Academy a participa den e competencia Classificatorios Panamericanos 2023 na Brazil. Como representante di Aruba tabata tin Saray Chirinos. El a competi den cuater pelea pa clasificacion.
E prome pelea contra Honduras, Saray a logra gana pa superioridad. E siguiente pelea tabata contra e atleta number un den rango internacional Andrea Ramirez “Chulca” di Colombia den categoria -49. Tin cu bisa cu Andrea Ramirez tabata atleta olimpico cu tabata tres biaha campeon mundial.
E siguiente tabata contra e number cinco mundial di Canada. Despues di un pelea interesante, Canada a logra gana. Aki Aruba no a logra clasifica pa e campeonato di Chile 2024.
Tiger Taekwondo Academy ta sigui kere semper den tur su atletanan y ta gradici tanto Federacion di Taekwondo di Aruba como e pueblo di Aruba cu ta contribui positivamente cu e academia. E siguiente meta ta logra gana durante e weganan Centroamericanos na Republica Dominicana desde 22 di april proximo.
