Campeonato HEINEKEN di Aruba Softball Bond dedica na Wiwi Maduro y Chin Thiel ( q.e.p.d) a contunia riba veldnan na Pos Chiquito. Deb categoria A Klas The Prodigies un miembro nobo di ASB ta conquista su promer victoria derotando Predators.
The Prodigies 12 careda, 12 hit, 2 error y ta laga 9 coredor den circulacion. Predators 8 careda, 4 hit, 2 error y ta laga 7 coredor na base. Como equipo The Prodigies a bati di 27-12 bon pa un averahe di 444. Predators a bati di 18-4 como equipo bon pa un averahe di 222. Pitcher ganador ta resulta Hilward Geerman y Antonio Ras ta perde. Hildard Geerman ta lansa 1 inning y 2 tercio 27 bola, 22 strike total 49 lasamiento. Carl Yarzagaray ta drenta di relevo pero no ta sera un inning lansando 24 bola y 9 strike pa un total di 33 lansamento.
Pa Predators Antonio Ras a tira 19 bola y 16 strike pa un total di 35 lansamento. Jomir Vrolijk ta releva tirando 46 bola y 48 strike pa un total di 94 lansamento. Mihor bateadornan pa The Prodigies tabata ta Joward Croes 4-3, Urvin Paesh y Nevin Figaroa di 4-2, Hildward Geerman 1-1, Joselito Quant 3-2, Carl Yarzagaray di 1-1. Pa Predators a destaca den causa perdi Nigel St Jago 2-2, Dwight Heemstaadt 3-1. Weganan lo continua diahuebs na Flatsone y diasabra y diadomingo na Pos Chiquito. Softball fast pitch den gran forma.
