The Chaz Modeling & Talent School den cuadro di su 25 aña di existencia lo tin 8 Modelo biahando pa participa den un Fashion week hopi renombra na Punta Cana, esta e Merengue Fashion Week Punta Cana 2023 (PCMFW2023). E fashion week aki lo conta cu hopi modelonan, diseñadornan y tambe coachnan y prensa internacional cu lo cubri e evento aki.
E evento ta organisa pa e organisacion Gatsby dirigi pa Nerys Diaz. E modelonan lo ricibi tayer di pasarela, sesion di fotografia y lo desfila pa diferente diseñador local y tambe reconoci di Caribe.
Nos modelonan ganado di Orlando Fashion Kids 2023 (OFK) a haya invitacion special cu tur gasto paga pa t’ey presente. E modelonan ta Caithlyne Kock Pre Teen Top Model OFK 2023 y Stacey De Veer Super Model OFK 2023.
Tambe lo ta biahando Tanique Chan, Kaythairy Richardson, Danielle Raymakers, Giandra Croes, Jennyraine Maduro y Annabell Bislip kende por cierto a caba di baha corona na Republica Dominicana como Beautiful of the World Agnes 2022. Aruba por ta sigur cu nos hobennan lo haci un tremendo papel.
Ta great pa menciona cu nos tin entre e modelonan aki tres mucha special cu sigur lo bay demostra nan talento riba pasarela y asina mustra cu Inclusion y Integracion ta yuda desaroya nan positivamente.
Nos lo tin tambe dos di nos modelonan cu lo ta e mesun siman aki na Punta Cana pa e Certamen di Miss Ambar Mundial. Nan lo ta Mini Aruba Thaheely Geerman y Pre Teen Aruba Maya Gordon. Nan lo ta hunto cu Cas Princesa. Y sigur nos lo apoya nos modelonan grandemente.
Por sigui nos modelonan nan trayectorio otro siman dianan 3, 4 y 5 augustus 2023 via nos plataforma social: Facebook y Instagram, The Chaz Modeling & Talent School y Punta Cana MFW.
