Aunke cu Corsou na e momentonan aki ta bao di awa, Aruba tambe tin un situacion di tempo, aunke no den e mesun extremo cu Corsou.
Segun pronostico di tempo, tin un ola tropical bayendo west cu lo trece humedad den e atmosfera.
Temporalmente esaki por pone mas nubia pasa riba region local y produci localmente un awasero. No por exclui e posibilidad di lamper cu strena.
Horcan Leslie tabata moviendo riba Atlantico Central, oost di Bermuda, y no ta un peliger pa area di Caribe.
Pronostico di tempo pa proximo dianan:
Levemente te parcialmente nubla cu localmente un awasero.
Biento lo ta modera te basta fuerte for di direccion noordoost te zuidoost; den dia posiblemente fuerte den rafaga.
