Durante e conferencia di prensa Arthur Dowers a splica cu tempo cu MEP a bay riba ultimo dia di gobernacion, a nombra hende. Hasta hendenan di famia di Evelyn a keda traha riba nomber di su buro segun Dowers, como minister di husticia. Ta bisa cu e hendenan aki ta traha den funcion di confiansa. Si un hende ta traha pa cuater aña y ta baha lage y pa e traha cu un bureau di e gobierno siguiente. Cuater persona no tabata traha y tabata cobra. Awor hende cu ta traha ta haya carta y wordo manda cas. Tin den gobierno cu no ta traha pero cu ta MEP. Nan ta haya carta pa bay cas. Nan no ta trahando den ningun funcion di confiansa cu por afecta e funcionamento di e gobierno. Ta un malicia y abuso tin ta tumando lugar. E parti di mas tristo ta, cu ora cu caba di abusa di e hendenan aki, bo ta bisa nan cu ta pasobra AVP no a regla nan cuenta.

Dia cu Dowers a asumi su cargo di minister, el a haya rechtspositie di polis para cu MEP no a regla. El a regla mayoria di nan. Berdad departamento di personal no tabata traha riba cierto papelnan. Por a mira cu hasta cu tabata tin cierto hendenan. A capta su atencion cu un hende ta pasa ministerraad, den dos siman ta haya su landsbesluit y tin ta pasa mas tempo. Tin cierto weganan politico ta wordo hunga y ta cosnan cu lo tene cuenta cun’e, na momento cu AVP ta bek den Gobierno. Esaki ta un descriminacion di hende y violacion di e ser humano. Pasobra bo tabata traha den bestuurskantoor, bo no mag traha otro camidna den gobierno, ta contra di nos constitucion. Esaki sigur tin cu wordo trata den corte, pa hues analisa e acto descriminativo y persecucion politico aki.

 

Excusa

Loke ta poni den e carta como excusa pa retiro ta un mentira. Tin hende cu a traha cu nan den gobierno di AVP cu a wordo pidi pa bin  traha bek den e gobierno di MEP. Kiermen e falta di confianza no ta excusa. Pa un persona cu ta traha cu un minister den bestuurskantoor, a wordo treci bek, pa traha pa un minister awor aki. Tabata tin varios otro minister cu a puntra, pasobra cu nan no sa kico nan ta haciendo y kico pa haci, a manda pidi hendenan cu a traha anteriormente, pa bin traha cu nan pa mira si por yuda nan yega na un plan di gobernacion.

 

Warda nos Costa

Ora bo saca un vacatura, bo ta saca uno cu ta exigi cierto funcionnan. Mester tin cierto diploma of cierto nivel di pensamento y trahamento. Por ehempel, a tuma algun hende muhe na e departamento di Warda Nos Costa pasobra falta hende muhe eynan. No por traha cu homber so eynan. A bin resulta den e ultimo temponan ta detene hopi hende muhe ilegal y a busca hende muhe pa traha cu nan ora di detencion. No por bay keda traha cu hende homber so. A haya indicacion cu tabata tin algun hende homber cu tabata haci cos for di sla y a dicidi pone hende muhe traha. A selecta algun hende muhe y pone nan traha. E hendenan aki no tin diploma di MBO. Loke nan tin si ta un nivel basico pa por haya e opleiding cu tin mester pa traha como toezichthouder. Tin algun di nan cu a haci e opleiding aki caba na academia di polis y awor aki ta un cuestion ta un aanvulling pa por traha cu hende muhe. Awor e gobierno aki a manda hendenan cas. Awor pa cumpli cu tratado internacional mester pone hende muher bek. Sino nos ta haya problema aki poco tempo. MEP a duna hende den pasado cu ni por scirbi. Con ta bin bisa cu e hendenan ta wordo nombra, ta mucho mas miho prepara, no tin e diploma. Si bo tin argumentonan aki, mester a bisa e persona den e mesun carta, cu a haci un evaluacion y e no ta cumpli cu e rekisitonan. A manda un carta general bisando e hendenan pasobra nan ta AVP ta kita nan for di nan trabao. Rocco Tjon mes ta un persona cu el a nombra y tabata traha pe. Ta un hende di confianza di dje. Nan mester a kita Tjon tambe y su landsbesluit tampoco no a keda cla. Ora cu a traha e landsbesluit pasobra e tabata fout. Ora cu ta papia cosnan, tin cu realisa cu ta facil ora bo ta den poder pa haci mal uso di poder. Pesey ta eligi un hende. No solamente cu tin un educacion pa bira minister, bo ta eligi un hende cu tin consenshi y curason. Tin biaha esey ta loke ta haci un hende cu tin educacion, no ta bira un hende peligroso. Ora bo ta sabi, bo por haci hopi biaha maldad y ora bo tin consenshi desaroya, etica desaroya, ta lagabo scoge entre bon y malo. Loke sa ta un persona cu kennelijk a perde su gevoel humano na momento cu MEP a persigui’e y awor aki el a drenta den un gobernacion cu nan mes.