Diasabra anochi, mientras gran mayoria ta tene nan mes na e TDQ implementa, algun otro ta haci nan esfuerso pa no cumpli cu esaki.
Cuerpo Policial ta bolbe detene hende. Un di nan a sosode na Playa ( den area di Bam Bam Cafe ) y e otro den area di Seroe Compa. A transporta ambos pa warda di polis pa nan pasa e resto di anochi aden.
Durante cu control a sigui den marduga, a detene mas persona riba caminda. Lo ta bon pa recorda e comunidad cu e TDQ ta na vigor di 9:00PM te cu 6:00AM. Un di e detencionnan a tuma luga 5:15AM dilanti Tur Dia Supermarket.
