Den oranan di marduga algo cu tabata parse un bon fiesta, lo a termina na detencion.
Un chauffuer di un Nissan March a intenta tur lo posibel pa no gar’e. El a paga lus di auto y core distancia purbando di sconde pero polis a capt’e di basta rato. E cabayero no tabata tin otro opcion cu para y duna splicacion.
A dune ordo pa para y akinan ta momento cu no un pero dos dama a sali for di e auto. Ta parse cu un caminda tabata tin fiesta pero no tabata tin hopi invitado. Un di e damanan tabata riba su hilchi halto cla pa “keda paden”.
Segun informacion na sitio, nan ta biba den cercania. A detene a vehiculo riba caminda di Montaña cu ta bay pa Sero Janchi. Algun colega a bin reenforsa e detencion straño di marduga aki.
Polis a detene tur tres persona y a escort tur pa e transportwagen cu lo hibanan un otro tipo di ambiente te cu mainta. Nan lo keda warda di polis pa kibra TDQ.