Aña pasa na Juni, taxibond a entrega un lista di prijs nobo na e gobierno anterior. September el a wordo acorda y el a wordo entrega na e hefe di e departmento di DTP, pa e cuminsa ehecut’e per 1 di Januari, segun Linda Orman.
A keda warda pa e fecha yega, pero dia 22 di December, te cu 2 di Januari, sin cu nan tabata sa, DTP a bay cu vakantie. E ora ey, entre nan mes, a cuminsa distribui e lista di prijs, pasobra e acuerdo tabata cu e ta cuminsa per 1 di Januari. Via un conferencia di prensa, a wordo afirma pa minister de Meza y prome minister Mike Eman. Cu tur e siguransa a cuminsa cun’e. Pa nan sorpresa, un funcionario di DTP, kende tabata riba vakantie, a contact un colega taxista, cu e lista ta ilegal. A bin un issue na cambiamento di aña.
Minister Romero, kende ta e minister na e momento aki encarga cu e parti aki, tabata den exterior, y a pidi pa por wanta te ora cu e bin bek, pa asina bay sinta na mesa y bay over di locual cu a sosode.
Orman a sigui splica cu na December a manda un carta caba pa pidi un reunion, pero no a haya contesta riab dje. Despues a bin e salimento di e lista cu a causa un polemica. Januari e ora a bin mas issues entre nan mes. A bin e ora e grupo reunifica bek y a pidi un reunion y a hay’e dia 27 di Maart. Na e reunion eynan, a pidi disculpa y a bisa minister cu nan nunca a actua di mala fe. Nan tabata tin un acuerdo, tabata tin confirmacion di e acuerdo y pesey a cuminsa cu e lista. Nan no tabata ningun momento na altura cu DTP tabata completamente riba vakantie.
E minister a compronde esaki. Orman a splica cu e ta compronde cu e minister a actua segun e informacion cu e minister tabata tin. Nan no tabata tin cierto informacionnan. E ora ey a pidi pa Orman facilita cierto emailnan cu e tabata tin, cual nan tabata tin di nan banda. Semper di parti di e bond tabata tin emailnan ta bay pa DTP y nunca DTP a contesta bek. Nan tabata kier a haya tur eseynan. A facilita nan e lista di prijs. Nan tabata tin tur documento y tur cos na su luga. For di eynan, ta minister su decision kico e ta haci na e departamento.
E preocupacion di e taxistanan ta keda e lista di prijs. Dia 27 di Maart a bis’e esey cu no tabata tin mal fe. E ora ey Orman a splik’e tambe cu tin ora algo no ta pasa por nada, pasobra net den e siman ey, a bin ta haya scucha via di anuncio di gobierno cu lo ta bay tin un aumento di 6% mas riba locual ta den tur cos. Por ta hopi hende no sa, taxibond ta paga BBO for di nan entrada directo cada luna. Nan no ta manera cualkier otro empleado cu ta cobra su salario y ora haci compras, e ora e ta pag’e via e comprasnan cu e ta haci.
Taxistanan, for di nan entrada, nan ta sacando cada luna 6%. Djey tin nan extra gastonan, gasolin, comestibles, etc. mantencion di e auto, pago di quota di auto, pago di seguro. Tur eseynan. Awor e 6% ta bay afecta nan mas.
A sinta delibera cu e minister. El a duna su puntonan, e taxistanan a duna nan punto. Nan kier a bin cu kilometrahe. Sr. Gomez a bari e kilometrahe for di mesa, cual no lo bay traha.
A yega di schrijfaf esey den pasado e taximeter, pasobra e auto ta propiedad propio. Mayoria di hende no lo bay permiti pa bora den un auto of pa haci un mal trabao den un auto cu ta propiedad di e conductor. Tin cierto cosnan cu a kita for di caminda caba.
Na ultimo minister a bira puntra kico nan kier. A contest’e cu nan kier tanto porciento. E minister a tik riba e lista y a bisa cu riba e lista cu nan a traha, cual a contest’e si. El a puntra si den un luna nan por keda cla, cual Orman a bisa cu si.
A cuminsa traha riba dje y dia 27 di April, pa nan mala suerte tabata dia di Rey. Despues tabata tin dia di obrero. Asuncion tambe a cay aden. A comunica cu nan y a bis’e cu lo yam’e pa tal dia, pero tabata dia di fiesta atrobe. A haya reunion te cu dia 15 di Mei. E ora eynan minister a tuma e lista. A splik’e con a traha riba dje, pakico a uza tal porciento y pa kico a uza e otro porciento. E minister a pasa door di dje y a bisa cu p’e e ta mustra bon. E di cu ta pone un meeting atrobe. For di e dia eynan, a spera di warda e reunion eynan pa celebra, manera cu e minister a bisa nan.
Mirando cu despues di e dia aki, no tabata tin mas contacto. A keda di haya un fecha pa reuni.
A wordo entrega carta na BID pa recorda e minister di nan palabracion y e acuerdo cu el a acepta e palabracion eynan. Orman a haya dia 26 un yamada di sr. Lacle, cu tin cu bay wak cu mester bin un encuesta pasobra tin grupo di taxista cu no kier aumento. Ta increibel cu un taxista no kier aumento. Orman a indica cu tur esaki tin cu avisa e taxistanan. Tambe a papia di un encuesta cerca turistanan si nan ta di acuerdo cu prijs. Ningun caminda na mundo nan ta haci esey. Unda cu bo bay na mundo, bo tin cu bay prepara pa loke bo tin cu paga na e pais. Na Aruba ningun minister a haci esaki. Ta buscando un escusa fofo pa no duna e taxistanan loke nan kier. No ta pa loke nan kier, pero loke nan merece. Semper a ahusta e tarifa, despues cu costo a subi.
