Taxistanan ta poco disgusta cu nan mester laba nan vehiculo tur dia pa por sirbi turistanan di un forma bunita y limpi, pero ora cu nan yega aeropuerto nan mester pasa den un plas di awa pa drenta parkinglot. Esaki ta e mesun parkinglot cual nan mester paga basta cen tur luna pa por tin acceso te dilanti aeropuerto pa recoge turista.
E taxistanan ta kere cu si nan ta paga un suma asina aki tur luna pa haci nan trabou na bienestar di Aruba, por lo menos nan mester tin un area adecuado pa traha aden. Apart di e plas di awa, net na e boom tin e area cu nan a traha pa e taxistanan por sinta y warda avionnan baha. `E baño aki no ta funciona debidamente y e luga no ta wordo manteni. Hasta e screen unda cu ta mira yega di e vuelonan ta preto preto.
Esaki ta problemanan cu aeropuerto por soluciona rapidamente y brinda un miho servicio na e taxistanan tambe cu ta un herment importante den turismo di Aruba.
